धरान । सुनसरीको धरान उपमहानगरपालिका–१३ स्थित सुभमार्ग शिवधाराबाट सशस्त्र प्रहरीले २ हजार १ सय ३० केजी गाँजा नियन्त्रणमा लिएको छ।

सोमबार भेडेटारबाट धरानतर्फ आउँदै गरेको प्रदेश १–०२–००२ ख ०८४८ नम्बरको ट्रकमा चेकजाँच गर्दा ७० बोरामा प्याक गरिएको गाँजा, ३१ बोरा अदुवा र अन्य तरकारी बरामद भएको सशस्त्र प्रहरी बल नेपाल सुरक्षा बेस धरानले जनाएको छ।

बिज्ञापन

सशस्त्र प्रहरी बल नेपाल नं. १ बराह वाहिनी मुख्यालय, सुनसरीका प्रवक्ता सुधीरजङ थापाका अनुसार ट्रकका चालक र गाँजा ल्याउने व्यक्ति फरार छन्। उनीहरूको खोजीकार्य जारी रहेको पनि प्रवक्ताले जानकारी दिए।

बरामद गरिएको गाँजा, अदुवा र ट्रकलाई आवश्यक अनुसन्धान तथा कारबाहीका लागि जिल्ला प्रहरी कार्यालय, सुनसरीमा पठाइएको छ।

×

❮

❯