काठमाडौँ । आईसीसी क्रिकेट विश्वकप लिग २ अन्तर्गत नेपालले यूएईसामु जितका लागि २ सय ९० रनको लक्ष्य प्रस्तुत गरेको छ । कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा जारी खेलमा पहिलो ब्याटिङ गरेको नेपालले निर्धारित ५० ओभरमा ७ विकेटको क्षतिमा २ सय ९० रन बनाएको हो ।

टोलीका लागि दीपेन्द्र सिंह ऐरीले सानदार शतक प्रहार गरे । उनले ९४ बलमा १३ चौका र १ छक्का हिर्काउँदै १ सय रन जोडे ।

विज्ञापन

त्यस्तै, विनोद भण्डारीले पनि अर्धशतकीय पारी खेले । उनले ७९ बलमा ७ चौका प्रहार गर्दै ५६ रन बनाए ।

कप्तान रोहित पौडेलले ४८ बलमा ३९ रन जोडे । आरिफ शेख र अर्जुन कुमालले समान ११-११ रनको योगदान दिए ।

गुल्सन झाले ३८ बलमा ४४ रन जोड्दै नेपालले विशाल योगफलतर्फ डोर्‍याए । उनले यस क्रममा ४ चौका र २ छक्का प्रहार गरे ।

यूएईका लागि अजय कुमार र जुनैद सिद्धिकीले २-२ विकेट लिए । हैदर अलि र खुजाइमा तनवीरले १-१ विकेट हात पारे ।

नेपालले पहिलो खेलमा यूएईलाई ३७ रनले हराएको थियो भने दोस्रो खेलमा ओमानसँग १०२ रनले हारेको थियो ।

×

❮

❯