विराटनगर । फिदिम–याङनाम–प्राङवुङ–फालौट सडक स्थित फिदिम नपा वडा १ र ११ जोडने फेमे खोलामाथि बाढीले पुल बगाएपछि कोशी प्रदेश सरकारले बेलिब्रिज निर्माण गरेर यातायात संचालन गराएको छ । त्यो पूल २०८१ साल असोज १२ मा बाढीले बगाएको थियो ।

पछिकोशी प्रदेश सरकारद्वारा डाईभर्सन निर्माण गरी सडक संचालनमा ल्याईएको थियो । तर, पुल निर्माणको प्रक्रिया आरम्भ भएसगै २०८२ बाढीद्वारा पूल निर्माण नहुदै पुनः डाईभर्सन पनि बगाएको थियो ।

विज्ञापन

त्यसपछि अबरुद्ध फेमे खोलामा कोशी प्रदेश सरकार ,भौतिकपुर्वाधार कार्यालय,पाँचथर द्वारा ४८.८ मिटर स्पानको बेलिब्रिज निर्माण कार्य सम्पन्नग गरी संचालनमा आएको कोशी प्रदेशका मुख्यमन्त्री हिक्मत कुमार कार्कीले जानकारी दिएका छन् ।

त्यो ठाउँमा प्रदेश सरकारले पुल निर्माणको कार्य चाँडै अघि बढाउने पनि कार्कीले बताएका छन् । बेलिब्रिजले यातायात आउजाउमा सहज भएको छ ।

×

❮

❯