झापा । झापा क्षेत्र नं १ मा मतगणना जारी रहँदा राष्ट्रिय स्वतन्त्र पार्टी (रास्वपा) की उम्मेदवार निशा डाँगी अग्रस्थानमा रहेकी छन् । हालसम्मको गणनाअनुसार उनले १ हजार ५९१ मत प्राप्त गरेकी छन् ।

उनलाई पछ्याउँदै श्रम संस्कृति पार्टीका उम्मेदवार केवलराम राईले ७७५ मत प्राप्त गरेका छन् ।

त्यसैगरी नेपाली कांग्रेसका केशवराज पाण्डेले ५७० मत पाएका छन् भने नेकपा एमालेका रामचन्द्र उप्रेतीले ४०७ मत प्राप्त गरेका छन् । राप्रपाका हेमराज कार्कीले ११३ मत पाएका छन् ।

नेकपाका उम्मेदवार अशेष घिमिरेले ४० मत प्राप्त गरेका छन् ।

झापा क्षेत्र नं १ मा कुल १ लाख ३१ हजार ६७ मतदाता रहेकोमा ७६ हजार ७७४ मत खसेको निर्वाचन अधिकृतको कार्यालयले जनाएको छ ।

×

❮

❯