उदयपुर । नेपाली कांग्रेसका सांसद हिमाल कार्कीले उदयपुर जिल्लामा एयरपोर्ट नबनाउने हो भने वनक्षेत्र ओगटेर राख्न नहुने बताएका छन् ।

कोसी प्रदेश सभाको बिहीबारको बैठकमा शुन्य समयमा बोल्दै सांसद कार्कीले लामो समय बितिसक्दा समेत विमानस्थलको काम अघि नबढेको भन्दै ठाउँमात्र ओगट्नुको अर्थ नरहेको बताए । उनले उदयपुर सिमेन्ट उद्योगलाई समेत पूर्ण क्षमतामा संचालन गर्ने वातावरण बनाउन सरकारको ध्यानाकर्षण गराए ।

बिज्ञापन

यसअघि उदयपुरमा निर्माण हुने भनिएको प्रस्तावित सगरमाथा विमानस्थलमा रहेको वन क्षेत्र व्यवस्थापनको काम प्रारम्भ गर्न भन्दै संस्कृति, पर्यटन तथा नागरिक उड्डयन मन्त्रालयले ५ करोड रुपैयाा बजेट माग गरेको थियो ।

प्रस्तावित विमानस्थल उदयपुरको त्रियुगा नगरपालिका वडा नम्बर १ र २ मा रहेको छ ।

प्रस्तावित विमानस्थलको वातावरणीय प्रभाव मूल्यांकको प्रतिवेदन तयार भई वन तथा वातावरण मन्त्रालयबाट स्वीकृत समेत भइसकेको छ । विमानस्थलको निर्माण कार्य प्रारम्भ गर्न सो क्षेत्रमा वन व्यवस्थापन गर्नुपर्ने हुन्छ ।

×

❮

❯