विराटनगर । कोसी प्रदेश सरकारले खेलकुद विकास बोर्डको सदस्य सचिवमा उपसचिव दुर्गाप्रसाद सिग्देललाई नियुक्त गरेको छ।

शुक्रबार बसेको मन्त्रिपरिषद् बैठकले उक्त निर्णय गरेको हो। गत असोज २४ गतेदेखि रिक्त रहेको पदमा अर्को व्यवस्था नभएसम्मका लागि सिग्देललाई सदस्य सचिवको जिम्मेवारी दिइएको सरकारका प्रवक्ता तथा आन्तरिक मामिला तथा कानुन मन्त्री इन्द्रमणि पराजुलीले जानकारी दिए।

त्यस्तै, मन्त्रिपरिषद् बैठकले आन्तरिक मामिला तथा कानुन मन्त्रालयको सचिवमा आसमान तामाङलाई पदस्थापन गर्ने निर्णयसमेत गरेको छ।

×

❮

❯