जिल्ला प्रहरी परिसर काठमाडौंले २० लाख २९ हजार ६२० रुपैयाँ हुन्डी रकमसहित एक जनालाई पक्राउ गरेको छ ।

बिज्ञापन

परिसरका प्रवक्ता प्रहरी उपरीक्षक अपिलराज बोहराका अनुसार काठमाडौं महानगरपालिका- २४ जुद्ध सालिकस्थितबाट सिन्धुपाल्चोकको
बाह्रबीसे नगरपालिका- ४ पलाती घर काठमाडौं महानगरपालिका- ३२ पेप्सीकोला बस्ने २४ वर्षीय सञ्जय बस्नेत उक्त हुन्डी रकमसहित आज पक्राउ गरिएको हो ।

बिज्ञापन

विशेष सूचनाको आधारमा खटिएको प्रहरी टोलीले रीतपूर्वक खानतलासी गर्दा फेला उक्त हुन्डी रकम बरामद भएको एसपी बोहराले जानकारी दिए ।

बस्नेतको साथबाट १००० दरको नोट १,७७९ वटा अर्थात् १७ लाख ७९ हजार, ५०० दरको नोट ५०१ वटा अर्थात दुई लाख ५० हजार ५००, १०० दरको नोट १ वटा अर्थात १०० र २० दरको १ वटा अर्थात २० रुपैयाँ बरामद भएको परिसरले जनाएको छ ।

प्रहरीका अनुसार उनको साथबाट आइफोन १४ प्रो एक थान र हस्ताक्षर गरेको तथा खाली विभिन्न बैंकको ३० थान चेकसमेत बरामद भएको छ । प्रहरीले नियन्त्रणमा लिएका बस्नेतविरुद्ध थप अनुसन्धान भइरहेको एसपी बोहराले बताए