काठमाडौं । नेकपा (एमाले)को ११औँ महाधिवेशनमा आजबाट मतदान प्रक्रिया सुरु भएको छ । अध्यक्ष पदका उमेदवार केपी शर्मा ओली र ईश्वर पोखरेल तथा महासचिव पदका उमेदवार शंकर पोखरेल र सुरेन्द्र पाण्डे मतदानमा सहभागी भइरहेका छन् ।

हिजै मतदान गर्ने तयारी भए पनि प्राविधिक कारण देखाउँदै प्रक्रिया आजका लागि सारिएको हो । महाधिवेशनमा विद्युतीय भोटिङ मेसिन प्रयोग गरिएको छ । राम–लक्ष्मण भोटिङ मेसिनमार्फत मतदान भइरहेको जनाइएको छ, जसमा एक जनालाई मतदान गर्न करिब ३० देखि ४० मिनेट समय लाग्ने बताइएको छ ।

विज्ञापन

अध्यक्ष पदका लागि केपी शर्मा ओली र ईश्वर पोखरेलबीच प्रतिस्पर्धा भइरहेको छ । दुवै उम्मेदवार प्यानल बनाएर मैदानमा उत्रिएका छन् । महाधिवेशनमा १९ पदाधिकारी पदका लागि ४२ जना उम्मेदवार प्रतिस्पर्धामा छन् भने समग्रमा ३०० भन्दा बढी उम्मेदवारले चुनावी प्रतिस्पर्धा गरिरहेका छन् ।

×

❮

❯