विराटनगर । रोटरी क्लब अफ विराटनगर डाउनटाउनद्वारा मानसिक स्वास्थ्य सम्बन्धी जनचेतना कार्यक्रम “द प्रोजेक्ट काम” सेंट जोसेफ स्कूल, विराटनगरमा सम्पन्न गरिएको छ।

कार्यक्रममा बिराट टिचिङ अस्पतालकी कन्सल्टेन्ट साइकोलोजिस्ट श्रीमती रानी राठीले विद्यार्थीसँग तनाव, दबाब, भावनात्मक उतार–चढाव तथा स्वस्थ मानसिक अवस्थालाई कसरी जोगाउने भन्ने विषयमा अन्तरक्रियात्मक सत्र सञ्चालन गर्नुभयो।

सत्रमा मानसिक स्वास्थ्यका प्रारम्भिक संकेत, प्रभावकारी सामना गर्ने उपाय, आत्म–नियन्त्रण तथा सकारात्मक सोच विकास गर्ने तरिकाबारे विद्यार्थीहरूलाई सरल र व्यवहारिक जानकारी प्रदान गरिएको थियो।

कार्यक्रमका क्रममा विद्यालय तथा वक्तालाई Rotary Four-Way Test फ्रेम, टेबल क्यालेन्डर, र Rotary कपडा झोला प्रदान गरिएको क्लबले जनाएको छ।

यस कार्यक्रमले करिब १५० विद्यार्थीहरूलाई लाभान्वित गर्‍यो।
रोटरी क्लबका अध्यक्ष श्रीमती गिरिजा सारड़ा, उपाध्यक्ष श्रीमती सरिता गोलछाअनुसार, विद्यार्थीहरूलाई दीर्घकालीन मानसिक सशक्तिकरण प्रदान गर्ने उद्देश्यले आयोजना गरिएको यो कार्यक्रम अत्यन्त प्रभावकारी भएको छ।

×

❮

❯