विराटनगर । नेपाल सरकारको निर्णयअनुसार जहदा गाउँपालिकाले अस्थायी तथा करार सेवामा नियुक्त कर्मचारीहरूको सेवा सम्झौता रद्द गरेको छ।

आर्थिक मन्त्रालय र सामान्य प्रशासन मन्त्रालयको निर्णयका आधारमा, “नेपाल सरकार, प्रदेश तथा स्थानीय तहमा स्वीकृत दरबन्दी बाहेकमा अस्थायी तथा करारमा कर्मचारी राख्न नपाउने” भन्ने स्पष्ट निर्देशनसँगै जहदा गाउँपालिकाले २०८२/०६/२१ गतेदेखि लागू हुनेगरी सबै अस्थायी तथा करार सेवामा कार्यरत स्वास्थ्यकर्मी र अन्य कर्मचारीहरूको सेवा सम्झौता खारेज गर्ने निर्णय गरेको हो।

बिज्ञापन

यो निर्णय अन्तर्गत, गाउँपालिकाभित्र अस्थायी दरबन्दीमा नियुक्त कर्मचारीहरूलाई पुनः नियुक्ति नगर्ने स्पष्ट उल्लेख गरिएको छ।

गाउँपालिकाका प्रमुख प्रशासकीय अधिकृत रोशन कुमार गुप्ताले हस्ताक्षर गरेको सूचनामा, सम्बन्धित सबै पक्षलाई जानकारीका लागि यो सूचना सार्वजनिक गरिएको जनाइएको छ।

×

❮

❯