अर्जेन्टिना । अर्जेन्टिनाका सुपरस्टार लिओनल मेसीले फिफा विश्वकप २०२६ छनोटअन्तर्गत भेनेजुएलाविरुद्ध चम्किलो प्रदर्शन गरेका छन्।

अर्जेन्टिनाले ३-० को विजयी खेलमा मेसीले दुई गोल गर्दै पोर्चुगिज स्टार क्रिस्टियानो रोनाल्डोको विश्वकप छनोटमा दोस्रो सर्वाधिक गोलको रेकर्ड बराबरी गरेका हुन्।

बिज्ञापन

यो जित अर्जेन्टिनाका लागि मात्र होइन, मेसीका लागि पनि विशेष रह्यो। अनुमान गरिँदैछ कि यो खेल अर्जेन्टिनाको घरेलु मैदानमा उनको अन्तिम औपचारिक उपस्थिति हुन सक्छ।

भेनेजुएलाविरुद्ध अर्जेन्टिनाले आक्रामक खेल प्रस्तुत गर्‍यो। मेसीले ३९औं र ८०औं मिनेटमा गोल गरे भने लाउटारो मार्टिनेजले ७६औं मिनेटमा तेस्रो गोल थपे।

यससँगै मेसीले विश्वकप छनोटमा ३६ गोल गरेका छन्। उनले इरानका अली दाइलाई पछि पार्दै रोनाल्डोसँग संयुक्त रूपमा दोस्रो स्थानमा उक्लिएका हुन्। अब उनी शीर्ष स्थानमा रहेका कार्लोस रुइज (३९ गोल) भन्दा केवल तीन गोलले पछाडि छन्।

खेलपछि मेसी भावुक बने। उनले भने, “मेरा आफ्नै देशमा, आफ्ना मानिसहरूसँग यसरी समाप्त गर्ने कुरा मेरो सधैंको सपना थियो। बार्सिलोनामा धेरै माया पाएँ, तर यो अनुभव मेरो लागि अझै विशेष छ। हामीले समूहका रूपमा गरेको प्रयास र अनुभव गरेका क्षणहरू साँच्चिकै सुन्दर थिए।”

सन् २०२६ को विश्वकपपछि मेसी संन्यास लिने सम्भावना उच्च मानिँदै आएको छ। त्यसैले भेनेजुएलाविरुद्धको यो खेल अर्जेन्टिनी समर्थकका लागि एक अविस्मरणीय क्षणको रूपमा रहेको छ।

×

❮

❯