काठमाडौं । अमेरिका सरकारले ३२.५ करोड अमेरिकी डलर मूल्यको रुसी लक्जरी सुपरयाट अमाडिया लिलामी गर्ने भएको छ। युक्रेनमाथि रूसले गरेको आक्रमणपछि उक्त सुपरयाट जफत गरिएको हो।

यो अमेरिकाले बिक्री गर्न लागेको पहिलो रुसी सुपरयाट हो। लिलामी सेप्टेम्बर १० सम्म चल्नेछ, एबीसी न्युजले जनाएको छ।

बिज्ञापन

यो कदम यस्तो समयमा आएको हो, जब अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनमाथि युद्ध अन्त्य गर्न दबाब दिइरहेका छन्। अमेरिका र उसका साझेदारहरूले युद्ध रोक्न पुटिन नजिकका धनी व्यवसायीहरूमाथि दबाब सिर्जना गर्ने प्रयास गरिरहेका छन्।

ती व्यवसायीहरूमध्ये कतिपयका याटहरू जफत गरिएका छन्, जसबाट उनीहरूलाई पुटिनमाथि दबाब दिन बाध्य पार्ने अमेरिकी रणनीति रहेको छ।

अमाडिया नामक यो सुपरयाट अमेरिका सरकारले तीन वर्षअघि नियन्त्रणमा लिएको थियो। हाल यो याट क्यालिफोर्नियाको सान डिएगोमा राखिएको छ। ३४८ फिट लामो यो याट जर्मन कम्पनी Lürssen ले सन् २०१७ मा निर्माण गरेको हो।

फ्रान्स्वा जुरेट्टीले डिजाइन गरेको यस याटको भित्री भाग सिङ्गो मार्बलले सजिएको छ। यसमा आठवटा भिआईपी कक्ष, एक ब्यूटी सैलुन, स्पा, जिम, हेलिप्याड, स्वीमिङ पूल र लिफ्ट रहेको छ। याटमा १६ जना पाहुना र ३६ जना चालक दलका सदस्यहरू बस्न मिल्छ।

×

❮

❯