विराटनगर । कोसी प्रदेशका मुख्यमन्त्री हिक्मतकुमार कार्कीले मन्त्रीहरू फेर्ने तयारीमा रहेको संकेत दिएका छन्। यद्धपि यो विवादित कांग्रेसका मन्त्री वा आफ्नै दल एमालेका भन्ने प्रस्ट छैन् ।

मुख्यमन्त्री कार्कीले सत्ता साझेदार दल नेपाली कांग्रेसका केही नेताहरूसँगको यसबारे छलफल समेत गरेका छन् । तर, उनले सार्वजनिक रुपमा भने यसबारे केही खुलाएका छैनन् ।

बिज्ञापन

विवादमा परेका कांग्रेसका मन्त्री फिर्ता गराउने सन्दर्भमा यसअघि मुख्यमन्त्री कार्कीले कांग्रेस संसदीय दलका नेता उद्धव थापासँग समेत परामर्श गरेका थिए । तर, थापाले केन्द्रीय सभापति शेरबहादुर देउवासँग छलफल गरेर मात्र आफूले केही गर्नसक्ने भनेर कार्कीलाई जानकारी गराएका थिए । फर्ममेन्स कमजोर हुने मन्त्रीहरुलाई हटाउन चाहेको मुख्यमन्त्रीले संकेत गरेको उनी निटक स्रोतले बताएका छ । तर, एमाले र कांग्रेसको सरकार गठन हुँदा १३ महिनामा मन्त्री फेर्ने सहमति थियो ।

कांग्रेसका एक सांसदले भने,‘‘मुख्यमन्त्री ज्यूले त्यो समय नजिकिएकोले पनि मन्त्री फेर्न चाहनु भएको हुन सक्छ । केही मन्त्रीको पर्फमेन्स निकै कमजोर भएको प्रति मुुख्यमन्त्री अलि बढी नै सिरियस देखिनु भएको छ ।’’ एमालेका मन्त्री फेर्ने तयारीमा लगभग मुख्यमन्त्री पुगिसकेको आफूले पाएको ती सांसदले बताए ।

एमालेका तर्फबाट हाल राम राना,आर्थिक मामिला तथा योजना, एकराज कार्की खानेपानी, सिंचाइ तथा ऊर्जा, पाँचकर्ण राई सामाजिक विकास, रेवतीरमण भण्डारी आन्तरिक मामिला तथा कानुन र सिर्जना राई राज्यमन्त्री छन्। राज्यमन्त्री राईले मुख्यमन्त्री केन्द्रीत कयौं स्टाटस सामाजिक सञ्जालहरुमा पोस्ट गर्दै आएकी छिन् ।

पछिल्लो पटक कांग्रेसबाट मन्त्री बनेका वन, वातावरण तथा पर्यटन मन्त्री सदानन्द मण्डल र उद्योग, कृषि तथा सहकारी मन्त्री खगेनसिं हाङ्गामा विवादमा तानिएका छन्।

×

❮

❯