बिर्तामोड । झापाको मेचीनगर नगरपालिकाको घरपालुवा पशुहरूमा ‘अफ्रिकन स्वाइन फ्लू’ र ‘लम्पी स्किन’ संक्रमण देखिएको छ । संक्रमणबाट हालसम्म ८० सुँगुर मरिसकेका छन् ।

मेचीनगरको वडा २, ३, ७, ८, ९ र १४ मा ‘लम्पी स्किन’ र वडा नं ६ को बङ्गुर फार्ममा ‘अफ्रिकन स्वाइन फ्लू’ पुष्टि भएको हो । नगरपालिकाका प्रमुख प्रशासकीय अधिकृत अग्निप्रसाद अधिकारीले संक्रमित क्षेत्रमा नियन्त्रणको काम थालिएको बताए ।

बिज्ञापन

पशु सेवा शाखाका प्राविधिक छत्र राईका अनुसार गाई र बाच्छीहरूमा ‘लम्पी स्किन’ को संक्रमण देखिएको छ ‌‌किसानको गोठमै पुगेर प्राविधिक टोलीले उपचार सुरु गरेको छ ।

यसैगरी मेचीनगर- ६ स्थित बबिता बङ्गुर फार्ममा ‘अफ्रिकन स्वाइन फ्लू’का कारण ८० बङ्गुर मरेका छन् । पशुपन्छी रोग अन्वेषण प्रयोगशालामा गरिएको परीषणबाट मरेका बङ्गुरमा ‘अफ्रिकन स्वाइन फ्लू’ पुष्टि भएको पशु सेवा शाखाका प्रमुख विक्रम गुरुङले बताए ।

फार्मकी सञ्चालक बबिता गहतराजले जेठभरिमा ८० वटा बङ्गुर एकाएक मर्दा ठूलो क्षति भएको बताइन् ।

×

❮

❯