काठमाडौं । प्रतिनिधिसभा नियमावलीको मस्यौदामा दर्ता भएका संशोधन प्रस्तावहरू विषयगत समितिमा पठाइनुपर्ने मागलाई सभामुखले अस्वीकार गरेपछि प्रतिनिधिसभा बैठक अवरुद्ध भएको छ।

बैठकमा नेपाली कांग्रेसकी प्रमुख सचेतक बासना थापाले संशोधन प्रस्तावहरू थप छलफलका लागि संसदीय समितिमा पठाउनुपर्ने धारणा राखेकी थिइन्। अन्य विपक्षी दलका सांसदहरूले पनि उक्त मागमा समर्थन जनाएका थिए।

बिज्ञापन

तर सभामुख डोलप्रसाद अर्यालले प्रस्तावलाई निर्णयार्थ प्रस्तुत गर्दै संशोधनहरूमाथि ‘हुन्छ’ र ‘हुन्न’ प्रक्रियामार्फत अगाडि बढाएका थिए। त्यसको विरोधमा विपक्षी सांसदहरूले संसद्को वेल घेराउ गर्दै नाराबाजी गरेका थिए।

विपक्षी सांसदहरूले प्रक्रियाविपरीत रूपमा सदन सञ्चालन गरिएको आरोप लगाउँदै बैठक सञ्चालन नगर्न माग गरेका थिए। विरोधका क्रममा एक सांसद सभामुखको आसनतर्फ अघि बढ्न खोजे पनि मर्यादापालकहरूले उनलाई रोकेका थिए।

सांसदहरूको अवरोध र नाराबाजीका कारण प्रतिनिधिसभा बैठक अन्ततः स्थगित गरिएको थियो।

×

❮

❯