विराटनगर । संखुवासभाको भोटखोला गाउँपालिकामा एक बालिकाको शव दाहसंस्कार गर्ने तयारी भई रहँदा प्रहरीले परिवारलाई नियन्त्रणमा लिएको छ ।
भोटखोला –४ सिप्प्रङकी ६ वर्षीया एक बालिकाको शवसमेत प्रहरीले नियन्त्रणमा लिई थप अनुसन्धान शुरु गरेको छ ।

बिज्ञापन

जिल्ला प्रहरी कार्यालय संखुवासभाबाट खटि गएको टोलीले गोपाल तामाङकी छोरी युनिकाको शव विहीबार नियन्त्रणमा लिएको हो । शव शल्य परीक्षणका लागि जिल्ला अस्पतालको शवगृहमा राखिएको प्रहरीले जनाएको छ ।

बिज्ञापन

गत वैशाख ३० गते गोपाल तामाङ र उनकी भाइबुहारी कल्पनाबीच घरायसी विवाद भएको थियो । त्यस क्रममा कल्पनाले भतिजी युनिकालाई डिलबाट धकेलेर लडाएको आरोप थिययो । लडेर घाइते भएकी युनिकाको नोबेल अस्पताल विराटनगरमा उपचारका क्रममा जेठ ७ गते मृत्यु भएको बताइएको छ ।

बालिकाको शव नोबेल अस्पतालबाट घर ल्याउँदै गर्दा प्रहरीले नियन्त्रणमा लिएर शवलाई जिल्ला अस्पताल लगेको हो । जिल्ला प्रहरी कार्यालय संखुवासभाका सूचना अधिकारी इन्सपेक्टर अभिषेक श्रेष्ठले दिएको जानकारी अनुसार घटना शंकास्पद रहेको बताएका छन् ।