काठमाडौं । नेपाल कम्युनिष्ट पार्टी (एमाले)का अध्यक्ष केपी शर्मा ओलीले देशलाई पहिलो प्राथमिकतामा राख्ने भावना आवश्यक रहेको बताएका छन्। आइतबार (फागुन १७) भिडियो सन्देश जारी गर्दै उनले अब देशले निर्माणको बाटो रोज्ने कि विनाशको भन्ने विषयमा स्पष्ट हुनुपर्ने बताएका हुन्।

उनले नागरिकलाई अब बनाउने कि भत्काउने बाटोमध्ये एक छान्नुपर्ने अवस्था आएको उल्लेख गरे। “आज तपाईंले एउटा बाटो रोज्नुपर्ने भएको छ-निर्माणको कि ध्वंसको,” उनको भनाइ छ।

विज्ञापन

ओलीले आफूविरुद्ध विभिन्न भ्रम फैलाइएको दाबी गर्दै आफ्ना केही कमजोरी हुन सक्ने स्वीकार पनि गरेका छन्। “तपाईंसँग मप्रति गुनासा छन्, प्रश्न छन्। मेरा कमी–कमजोरी पनि होलान्,” उनले भने।

देशको अखण्डता र राष्ट्रिय हितका पक्षमा आफू सधैँ उभिँदै आएको र आगामी दिनमा पनि त्यही अडान कायम रहने उनले स्पष्ट पारे। साथै, राष्ट्र जोगाउने कि राष्ट्रको भविष्यप्रति उदासीन रहने भन्ने विषयमा स्पष्ट कित्ताकाँट गर्ने समय आएको उनले बताए।

उनका अनुसार यसपटकको निर्वाचन ‘बनाउने र जलाउने’ दुई धारबीचको प्रतिस्पर्धा भएको छ।

×

❮

❯