विराटनगर । कोशी प्रदेशका मुख्यमन्त्री हिक्मत कुमार कार्कीले किरात धर्मका महान गुरु, समाज सुधारक तथा सत्य, अहिंसा र नारी सम्मानका प्रवर्तक महागुरु फाल्गुनन्द लिङदेनको जन्मजयन्तीका अवसरमा श्रद्धाञ्जली अर्पण गर्दै शुभकामना व्यक्त गरेका छन्।

मुख्यमन्त्री कार्कीले महागुरु फाल्गुनन्दको सत्य, अहिंसा, परोपकार र नैतिक जीवनशैलीले नेपाली समाजलाई सहिष्णुता, एकता र सद्भावतर्फ अघि बढ्न प्रेरित गरेको बताएका छन्। शुभकामना सन्देश जारी गर्दै अनुसार बाल्यकालदेखि नै समाज सुधारमा समर्पित महागुरुको योगदानले किरात धर्म, संस्कृति र मौलिक परम्पराको संरक्षणमा ऐतिहासिक भूमिका खेलेको जनाएका छन् ।

बिज्ञापन

उहाँले नेपाल बहुजातीय, बहुभाषिक र बहुसांस्कृतिक राष्ट्र भएको स्मरण गर्दै सबै जात, भाषा, धर्म र संस्कृतिको संरक्षण तथा संवर्द्धनमा कोशी प्रदेश सरकार प्रतिबद्ध रहेको स्पष्ट गरे ।

मुख्यमन्त्री कार्कीले फाल्गुनन्दको “सत्य बोल्ने, अहिंसा अपनाउने र नारीको सम्मान गर्ने” सन्देश आजको युगमा पनि जीवनपथका अमूल्य प्रेरणाका रूपमा रहँदै आएको उल्लेख गरेका छन्।

उहाँले महागुरुको आदर्शबाट प्रेरणा लिएर शान्त, समृद्ध र सहिष्णु समाज निर्माणमा सबै एकजुट हुनुपर्नेमा जोड दिए । साथै उहाँले कोशी प्रदेश सरकार भाषा, संस्कृति र लिपिको संरक्षण तथा प्रवर्द्धनमा निरन्तर प्रतिबद्ध रहेको र संवैधानिक प्रावधानअनुसार भाषाहरूलाई प्रदेश स्तरमा प्रयोगमा ल्याइने आश्वासन पनि दिएका छन् ।

×

❮

❯