काठमाडौं । इजरायलमा ज्यान गुमाएका कञ्चनपुरका विपिन जोशीको पार्थिव शरीरमा प्रधानमन्त्री पुष्पकमल दाहाल ‘प्रचण्ड’ लगायत उच्च पदस्थ व्यक्तिहरूले श्रद्धाञ्जली अर्पण गरेका छन्।

जोशीको पार्थिव शरीर सोमबार केही समयअघि मात्र त्रिभुवन अन्तर्राष्ट्रिय विमानस्थलमार्फत नेपाल ल्याइएको हो। विमानस्थल परिसरमै आयोजित कार्यक्रममा प्रधानमन्त्री, मन्त्रीहरू, परराष्ट्र मन्त्रालयका अधिकारीहरू तथा अन्य उच्चपदस्थ व्यक्तिहरूले उनको सम्मानमा श्रद्धाञ्जली अर्पण गरेका हुन्।

बिज्ञापन

पार्थिव शरीर आजै उनको जन्मथलो कञ्चनपुरको भीमदत्त नगरपालिका लगिने छ, जहाँ अन्तिम संस्कारको तयारी भइरहेको छ।

विपिन जोशी २०२३ अक्टोबर ७ मा हमासले इजरायलको किबुत्ज क्षेत्रमा गरेको आक्रमणका क्रममा अपहरणमा परेका थिए। त्यसयता उनी बेपत्ता थिए भने इजरायली अधिकारीहरूले गत असोज २७ गते उनको मृत्यु पुष्टि गरेका थिए।

इजरायल–हमास युद्धविरामको क्रममा भएको बन्दी साटासाट प्रक्रिया अन्तर्गत हमासले जोशीको शव इजरायली पक्षलाई हस्तान्तरण गरेको थियो। डीएनए परीक्षणबाट शव विपिनकै भएको पुष्टि भएको हो। फरेन्सिक जाँचमा हमासले अपहरण गरेकै समयमा उनको मृत्यु भएको निष्कर्ष निकालिएको इजरायलस्थित नेपाली दूतावासले जनाएको छ।

नेपाल ल्याउनु अघि, आइतबार इजरायलको राजधानी तेल अवीवस्थित खटिभा ८ को स्मारक र बेन गुरिओन अन्तर्राष्ट्रिय विमानस्थलमा पनि उनको सम्मानमा श्रद्धाञ्जली कार्यक्रम आयोजित गरिएको थियो। शव रहेको कफिनमा नेपाली राष्ट्रिय झण्डा ओढाइएको थियो।

×

❮

❯