काठमाडौं । ओमानमा जारी आईसीसी टी–२० विश्वकप एसिया तथा इस्ट एसिया पेसिफिक छनोटअन्तर्गत नेपालले आज कतारसँग प्रतिस्पर्धा गर्दैछ। खेल अल अमेरतस्थित ओमान क्रिकेट एकेडेमी टर्फ १ मा आज बेलुका ८:४५ बजे सुरु हुनेछ।

नेपालले सुपर सिक्स चरणको पहिलो खेलमा आइतबार **संयुक्त अरब इमिरेट्स (यूएई)**लाई १ रनले हराउँदै रोमाञ्चक जित निकालेको थियो। त्यस जितसँगै नेपाल प्रतियोगितामा अपराजित रहँदै उत्कृष्ट लयमा देखिएको छ। टोली आजको खेलमार्फत विजयी यात्रालाई निरन्तरता दिन चाहन्छ।

बिज्ञापन

अर्कोतर्फ, कतार सुपर सिक्सको पहिलो खेलमा ओमानसँग पराजित भइसकेको छ। अंकविहीन कतारका लागि नेपालविरुद्धको खेल जित्नैपर्ने दबाबमा रहेको छ।

नेपाल र कतारबीच यसअघि भएको वार्मअप खेलमा पनि नेपालले १६ रनले जित दर्ता गरेको थियो। टी–२० अन्तर्राष्ट्रिय क्रिकेटमा यी दुई टिमबीच हालसम्म ३ खेल भएका छन्, जसमा नेपालले २ पटक जित हात पारेको छ भने कतारले १ पटक नेपाललाई हराएको छ।

नेपालले सुपर सिक्स चरणमा अब बुधबार सामोआ र शुक्रबार ओमानसँग प्रतिस्पर्धा गर्नेछ।

×

❮

❯