विराटनगर । कोसी प्रदेश सरकारको यस वर्षको १३ औं मन्त्रिपरिषद बैठक सोमबार सम्पन्न भयो ।

बैठकले संघीय सरकारबाट सरुवा भई आएका डा.यदुचन्द्र घिमिरेलाई स्वास्थ्य मन्त्रालय सचिवको रुपमा खटाउने निर्णय गरेको छ ।

विज्ञापन

उनी मुख्यमन्त्री तथा मन्त्रिपरिषद् कार्यालयमा थिए । यसैगरी मन्त्रिपरिषदले भौतिक पूर्वाधार तथा स्वास्थ्य मन्त्री भुपेन्द्र राईको विदेश भ्रमणका लागि अनुमतिका लागि संघीय सरकारलाई सिफारिस गर्ने निर्णय गरेको छ । उनी जनसम्पर्क समिति कुवेतको निमन्त्रणामा कार्यक्रममा सहभागी हुन जान लागेका हुन ।

मन्त्री राईको विदेश जाँदा र खाँदाबस्दाको सबै खर्च समितिले बेहोर्ने छ । प्रदेश सरकारले कुनै खर्च गर्न नपर्ने कोसी सरकारले जनाएको छ ।

×

❮

❯