विराटनगर । विराटनगरका पेन्टरहरुले इम्बोष्ड नम्बर प्लेट लागू नगर्न भन्दै सरकारको ध्यानाकर्षण गरेका छन् ।

मोरङका प्रमुख जिल्ला अधिकारी इन्द्रदेव यादवमार्फत प्रधानमन्त्रीलगायत सरोकारवाला मन्त्रालयलाई ज्ञापन पत्र पठाई उनीहरुले ध्यानाकर्षण गरेका हुन ।

बिज्ञापन

सोमबार पेन्टरहरुले पठाएको ज्ञापन पत्रमा यही असोज १ गतेबाट अनिवार्य लागु गर्ने भनिएको निर्णय नेपालको सन्दर्भमा अध्यवहारिक र असान्दर्भिक रहेको उल्लेख छ ।

सरकारले आफूहरुको पेशा व्यवसाय नै ठप्प हुने गरी गरेको निर्णय अमान्य भएको भन्दै पेन्टरहरुले संघर्षका कार्यक्रमहरु सहित आन्दोलनमा जाने चेतावनी पनि दिएका छन् । देखावटी रुपको अन्तर्राष्ट्र स्तरको बनाउँदै नाममा अंग्रेजी लिपिको प्रयोग गरी नेपालको ऐतिहासिक तथा मौलिक पहिचान बोकेको नेपाली देवनागरी लिपीको वेवास्ता गर्न् खोजिएको ज्ञापन पत्रमा जनाइएको छ । नेपालको संविधान प्रदत्त मौलिक हक उलंघन गरी राप्ट्रिय अस्मिता माथि खेलबाड गरेको ठहरिने दाबी गरिएको छ ।

देशभरिका करिब १ लाखको हाराहरीमा रहेका स्वरोजगार कर्र्मशील आरटिस्टहरु सरकारको निर्णयबाट प्रभावित हुने जनाइएको छ । सम्पूर्ण सवारी साधनहसुको डाटा सफटवेयरको मध्यमबाट नेपाल र नेपालीको विवरण विदेशी कम्पनीहरूको पहुंचमा जाने भएको हुंदा गोपनियता भंग हुने उनीहरुले जनाएका छन् ।

×

❮

❯