काठमाडौं । आइतबार म्युनिखमा सम्पन्न युइएफए नेसन्स लिगको फाइनल खेलमा पोर्चुगलले स्पेनलाई पेनाल्टी सुटआउटमा ५–३ गोलले पराजित गर्दै दोस्रो पटक उपाधि उचालेको छ।

निर्धारित ९० मिनेट र अतिरिक्त समयसम्म दुबै टोलीले २–२ गोलको बराबरी गरेपछि खेल पेनाल्टी सुटआउटमा पुगेको थियो। स्पेनका अल्भारो मोराटाले पेनाल्टीमा मौका गुमाएपछि पोर्चुगलका रुबेन नेभेसले निर्णायक किक प्रहार गर्दै टोलीलाई जित दिलाए ।

बिज्ञापन

पोर्चुगलका गोलकिपर डिएगो कोस्टाले मोराटाको पेनाल्टी रोक्दै खेलको दिशा परिवर्तन गरेका थिए। यससँगै, डिफेन्डिङ च्याम्पियन स्पेनमाथि ऐतिहासिक जित निकाल्दै पोर्चुगलले दोस्रो पटक नेसन्स लिगको उपाधि जित्न सफल भयो ।

खेलको पहिलो हाफमा स्पेनका लागि मार्टिन जुबिमेन्डी र मिकेल ओयारजाबालले गोल गरेका थिए भने पोर्चुगलका तर्फबाट क्रिस्टियानो रोनाल्डो र नुनो मेन्डेसले बराबरी गोल फर्काएका थिए ।

खेलको अन्त्यमा कप्तान रोनाल्डो भावुक देखिए । उनी खेलको क्रममा घाइते भई मैदानबाट बाहिरिएका थिए र अन्तिम क्षणहरू बेन्चबाट हेर्न बाध्य भएका थिए। विजयी क्षणमा उनको आँखामा खुसीका आँसु झरे ।

×

❮

❯