काठमाडौं । कास्कीको अन्नपूर्ण गाउँपालिका–११ मा पहिरो खसेर थुनिएको किम्रोङ खोलाको बहाव खुलेको छ।

गएराति करिब ८ बजेतिर पहिरो खसेपछि किम्रोङ खोला थुनिएको थियो। खोला थुनिएपछि स्थानीयवासीमा जोखिम बढ्न सक्ने भन्दै चिन्ता उत्पन्न भएको थियो।

विज्ञापन

कास्कीका सहायक प्रमुख जिल्ला अधिकारी चित्राङ्गल बरालका अनुसार रातभरिमा खोलाको पानीको बहाव आफैं खुलेको हो।

उनका अनुसार बिहान सबेरै स्थानीयवासीसँग सम्पर्क गर्दा खोला पूर्ण रूपमा खुलिसकेको र अहिले साविककै अवस्थामा बगिरहेको जानकारी प्राप्त भएको छ।

बरालले खोलामा पानीको बहाव खुलेपछि तत्कालका लागि जोखिमको अवस्था नरहेको जानकारी दिएका छन्।

×

❮

❯