विराटनगर । सुनसरीको कप्तानगञ्ज घटनामा मृत्यु भएकाका परिवारलाई देवानगञ्ज गाउँपालिकाले जनही दश लाख रुपैयाँ राहत उपलब्ध गराउने भएको छ । आइतवार राति करिब १० वजे देवानगञ्ज वडा नं। ३ कप्तानगंजमा भएको घटनामा गोली लागेर दुई जनाको मृत्यु भएको थियो । गाउँपालिकाका अध्यक्ष बेचन प्रसाद मेहताको अध्यक्षतामा बिहीबार (आज)इ बसेको बैठकले गाउँ कार्यपालिकाको बैठकले गोली लागि निधन भएका ओम प्रकाश मेहता र जयप्रकाश मेहताको परिवारमा समवेदना व्यक्त गर्दै सो निर्णय गरेको हो ।

कप्तानगंज, नयाँ हाट बजारमा भएको घटनाको क्रममा निधन भएका व्यक्तिहरुलाई देवानगञ्ज गाउँपालिकाको तर्फबाट सहिद घोषणा गर्दै सोको स्वीकृतिका लागि नेपाल सरकारलाई सिफारिस गर्ने निर्णय समेत भएको छ । पालिका प्रति मृतक परिवारलाई राहत स्वरूप देवानगन गाउँपालिकाबाट दश दश लाख रकम उपलब्ध गराउने साथै घटनाको क्रममा गोली लागि पूर्ण अशक्त र अति अशक्त अपांगता पाएको प्रति व्यक्तिलाई रु.दुई लाख तथा मध्यम र सामान्य अपांगता भएको प्रति व्यक्तिलाई पचास हजार राहत स्वरूप देवानगञ्ज गाउँपालिकाको चालु तर्फको उद्धार राहत तथा पुनःस्थापना खर्च शीर्षकबाट रकम उपलब्ध गराउने सर्वसम्मत निर्णय भएको गाँउपालिका कार्यालयले जनाएको छ । तत्काल देवानगञ्ज गाउँपालिका वडा नं ३ को वडा समितिको बैठक बस्न सक्ने अवस्था नरहेको हुदाँ हाललाई वडा समितिका ज्येष्ठ सदस्य रामबहादुर महतोलाई कार्यवाहक वडाध्यक्षको जिम्मेवारी दिइएको छ ।

विज्ञापन

पालिकाले निजी सम्पत्तिमा भएको क्षतिको विवरण संकलन गरी क्षतिपूर्तिका लागि नेपाल सरकारलाई सिफारिस गर्ने, आकस्मिक स्वास्थ्य सेवा बाहेकका सेवा हाललाई बन्द गर्ने र घटष्नाको सत्यतथ्य छानबिन गरी दोषीलाई कारबाही गर्न नेपाल सरकार समक्ष माग गर्ने निर्णय भएको जनाइएको छ ।

×

❮

❯