काठमाडौं । क्यानडाले समूह ‘बी’ अन्तर्गतको दोस्रो खेलमा ऐतिहासिक जित दर्ता गरेको छ। विश्वकप इतिहासमा क्यानडाले पहिलोपटक समूह चरणको खेलमा विजय हासिल गरेको हो।

कतारविरुद्धको खेलमा क्यानडाले उत्कृष्ट प्रदर्शन गर्दै ६–० को फराकिलो जित निकालेको हो। यो नतिजा क्यानडाको विश्वकप इतिहासकै सबैभन्दा ठूलो जितसमेत बनेको छ।

बिज्ञापन

क्यानडाले पहिलोपटक सन् १९८६ मा विश्वकपमा सहभागिता जनाएको थियो भने त्यसपछि सन् २००२ मा पुनः विश्वकप खेलेको थियो। तर दुवै संस्करणमा उसले समूह चरणमा कुनै पनि खेल जित्न सकेको थिएन। यसपटक भने कतारलाई पराजित गर्दै क्यानडाले नयाँ इतिहास रचेको छ।

खेलको १६औँ मिनेटमा क्लाइल केरिनले गोल गर्दै क्यानडालाई अग्रता दिलाएका थिए। त्यसपछि ३९औँ मिनेटमा जोनाथन डेभिडले दोस्रो गोल थपे। पहिलो हाफ सकिन केही क्षण बाँकी रहँदा डेभिडले व्यक्तिगत दोस्रो तथा टोलीका लागि तेस्रो गोल गर्दै क्यानडालाई ३–० को सहज अग्रता दिलाए।

×

❮

❯