गोरखा । राष्ट्रिय स्वतन्त्र पार्टी (रास्वपा) का महामन्त्री एवं संसदीय दलका मुख्य सचेतक कबिन्द्र बुर्लाकोटीले विकास र समृद्धिका लागि सबै राजनीतिक दलहरूसँग सहकार्य गरेर अघि बढ्ने प्रतिबद्धता व्यक्त गरेका छन्।

गोरखामा आयोजित रास्वपाको प्रथम जिल्ला अधिवेशनलाई सम्बोधन गर्दै महामन्त्री बुर्लाकोटीले पार्टीको मुख्य ध्येय सुशासन र जनताको सेवा रहेको स्पष्ट पारे।

बिज्ञापन

सहकार्यको राजनीति: जनताले रास्वपालाई अन्य दलसँग झगडा गर्न नभई देश विकासका लागि मत दिएको उल्लेख गर्दै उनले नतिजाका लागि सबै मिलेर अघि बढ्नुपर्नेमा जोड दिए।

गोरखकाली रबर उद्योगको पुनर्जीवन: बन्द अवस्थामा रहेको गोरखकाली रबर उद्योग पुनः सञ्चालनका लागि अर्थ मन्त्रालयसँग छलफल भइरहेको उनले बताए। “चाहे निजी क्षेत्रले चलाओस् वा सरकारले, उद्योग चल्नुपर्छ र नेपाली टायर सडकमा गुड्नुपर्छ,” उनले भने।

बूढीगण्डकी आयोजना: बूढीगण्डकी जलविद्युत् आयोजनाका लागि बजेट विनियोजन भएको जानकारी दिँदै उनले अधिकारसम्पन्न प्राधिकरण गठन गरेर निर्माण कार्यलाई अघि बढाइने बताए।

आर्थिक समृद्धि र बजेट: रेमिट्यान्सले मात्र देश नचल्ने तर्क गर्दै उनले स्वदेशमै उद्योगधन्दा खोल्नुपर्ने धारणा राखे। आगामी आर्थिक वर्षको बजेट विकास र आर्थिक समृद्धितर्फ केन्द्रित रहेको उनको दाबी छ।

×

❮

❯