विराटनगर । विराटनगर महानगरपालिका–३ कञ्चनबारी क्षेत्रमा नयाँ रेष्टुरेन्ट ‘द बेम्बू हट’ सञ्चालनमा आएको छ।

बुधबारदेखि औपचारिक रूपमा सेवा सुरु गरेको रेष्टुरेन्टले ग्राहकलाई विशेष स्वादका परिकार उपलब्ध गराउने जनाएको छ।

बिज्ञापन

करीब ४० लाख रुपैयाँको लगानीमा स्थापना गरिएको रेष्टुरेन्टमा परेवा, हाँस लगायतका विभिन्न परिकार पाइने सञ्चालक पक्षले जानकारी दिएको छ।

फरक स्वाद र पारिवारिक वातावरणलाई प्राथमिकता दिँदै रेष्टुरेन्ट सञ्चालनमा ल्याइएको उनीहरूको भनाइ छ।

रेष्टुरेन्टका सञ्चालक सन्तोष श्रेष्ठ र इन्द्र निरौलाले विराटनगरमा नयाँ स्वाद र आरामदायी वातावरणसहितको सेवा दिने उद्देश्यले व्यवसाय सुरु गरिएको बताए। उनीहरूका अनुसार परिवार, साथीभाइ तथा विभिन्न समूहलाई लक्षित गरेर रेष्टुरेन्टको संरचना तयार गरिएको हो।

रेष्टुरेन्टको उद्घाटन सामाजिक अभियन्ता रिचर्ड गौतमले गरेका थिए। उद्घाटन कार्यक्रममा स्थानीय व्यवसायी, समाजसेवी तथा विभिन्न क्षेत्रका व्यक्तिहरुको उपस्थिति रहेको थियो ।

×

❮

❯