काठमाडौं । नवौँ हिन्द महासागर सम्मेलनमा सहभागी हुन मौरिससको राजधानी पोर्ट लुइस पुगेका परराष्ट्रमन्त्री शिशिर खनालले त्यहाँ मौरिसस र सिंगापुरका उच्चस्तरीय मन्त्रीहरूसँग छुट्टाछुट्टै भेटवार्ता गरेका छन्।

परराष्ट्र मन्त्रालयका अनुसार, मन्त्री खनालले मौरिससका विदेश, क्षेत्रीय एकीकरण तथा अन्तर्राष्ट्रिय व्यापारमन्त्री धनञ्जय रामफल र सिंगापुरका विदेश तथा सामाजिक एवं पारिवारिक विकास राज्यमन्त्री जुल्कर्नाइन अब्दुल रहीमसँग शनिबार भेट गरेका हुन्।

बिज्ञापन

उक्त भेटवार्तामा आपसी सम्बन्धलाई अझ सुदृढ बनाउने, क्षेत्रीय सहकार्य विस्तार गर्ने तथा द्विपक्षीय हित र साझा चासोका विभिन्न विषयमा विस्तृत छलफल भएको मन्त्रालयले जनाएको छ।

×

❮

❯