काठमाडौं । कांग्रेस महामन्त्री गगन थापाले भनेका छन् कि यदि इच्छाशक्ति भएमा निर्वाचन अगाडि नै पार्टीको महाधिवेशन गर्न सकिन्छ। उनले विशेष महाधिवेशनको प्रस्ताव राख्दै, पार्टीको नेतृत्व परिवर्तन र सुधारको आवश्यकता जोड दिएका छन्।

कांग्रेस केन्द्रीय कार्यसमितिको बैठकमा थापाले मंसिर २७ र २८ गते विशेष महाधिवेशन आयोजना गर्ने प्रस्ताव अघि सारेका हुन्। बैठकमा सदस्यहरूको धारणा बुझिसकेपछि विशेष महाधिवेशन आवश्यक भएको निर्णयमा आफू पुगेको थापाले बताए।

बिज्ञापन

उनले थप भने, “पार्टीलाई आम सुधार नगरी निर्वाचनमा जानु भनेको नागरिकको विश्वास गुमाउने खतरा उठाउनु हो। त्यसैले महाधिवेशन अनिवार्य गरेर मात्र चुनावमा जानु पर्छ।”

थापाले, पार्टीमा पछिल्लो समय सिद्धान्तभन्दा शक्ति प्राथमिकतामा राख्दा विचलन बढेको र नवयुवाहरूको आक्रोश बढेको धारणा राखे। उनले भने, “निर्वाचनको पूर्व तयारीको रूपमा पार्टीको आन्तरिक विषयमा हस्तक्षेप नगर्न भन्ने संस्थापन पक्षको अडानसँग असहमत छु। महाधिवेशन पार्टीको आन्तरिक विषय मात्र होइन, अहिले यो राष्ट्रिय विषय बनेको छ।”

यसरी, थापाले पार्टीको भविष्य र विश्वास पुनःस्थापना गर्न महाधिवेशनको आवश्यकता औंल्याएका छन्।

×

❮

❯