काठमाडौं । आईसीसी विश्वकप क्रिकेट लिग २ अन्तर्गत नेपालविरुद्धको एक दिवसीय अन्तर्राष्ट्रिय (ओडीआई) खेलमा अमेरिकाले नेपाललाई २६३ रनको लक्ष्य दिएको छ।

दुबई अन्तर्राष्ट्रिय क्रिकेट स्टेडियममा जारी खेलमा अमेरिका निर्धारित ५० ओभरमा ६ विकेट गुमाएर २६२ रन बनाएको हो।

बिज्ञापन

नेपालले टस जितेर पहिले फिल्डिङ गर्ने निर्णय गरेपछि अमेरिका ब्याटिङमा उत्रियो। मध्यक्रमका ब्याट्सम्यान मिलिन्द कुमारले उत्कृष्ट प्रदर्शन गर्दै ७० रनमा नटआउट रहे। उनले ५० बल खेलेर ६ चौका र दुई छक्का प्रहार गरे।

ओपनर स्मित पटेलले १०० बलमा ७५ रन बनाउँदै इनिङ्सको आधार तयार पारे। उनले ९ चौका प्रहार गरे। अर्का ब्याट्सम्यान साइतेजा मुक्कमल्लाले ५८ बलमा ४२ रन, जसमा ३ चौका र १ छक्का समावेश छ। कप्तान मोनाक पटेलले १७ बलमा १० रन, शुभम रञ्जाने १९ रन, र शायान जहाँगीर ११ रन बनाए।

नेपालको बलिङतर्फ लेग स्पिनर सन्दीप लामिछानेले १० ओभरमा ५६ रन खर्चेर २ विकेट लिए। यसैगरी, सोमपाल कामीले ९ ओभरमा ५६ रन खर्चेर १ विकेट र आरिफ शेखले ५ ओभरमा १९ रन खर्चेर १ विकेट लिए।

×

❮

❯