चितवन । चितवनको भरतपुरमा गुडिरहेको कारमा अचानक आगो लाग्दा एक जनाको ज्यान गएको छ। भरतपुर महानगरपालिका–९ वसन्तचोकनजिकै आज बिहान ६ बजे गुडिरहेको बागमती प्रदेश ०१–०३० च ५५७९ नम्बरको कारमा आगलागी भएको जिल्ला प्रहरी कार्यालय चितवनले जनाएको छ।

घटनालगत्तै पुगेको प्रहरी टोलीले दमकलको सहयोगमा आगो नियन्त्रणमा लिएको थियो। आगलागीबाट ज्यान गुमाएका व्यक्तिको पहिचान अझै खुल्न सकेको छैन। दुर्घटना वा प्राविधिक खराबी के कारणले आगो लागेको हो भन्नेबारे प्रहरीले अनुसन्धान अघि बढाएको छ।

विज्ञापन

×

❮

❯