विराटनगर | सामाजिक सञ्जालमा शुक्रबार विराटनगर बजार बन्द रहने भन्ने व्यापक प्रचार भएपछि दिनभरि विराटनगरको मुख्य बजार क्षेत्र सुनसान बनेको छ। बजार पूर्ण रूपमा बन्द नभए पनि अधिकांश व्यापारी अन्योलका बीच पसल खोलेर बसे, तर अपेक्षाअनुसार ग्राहक भने आएनन्।

हिजो संयुक्त हिन्दू मोर्चाको नाम जोडेर सामाजिक सञ्जालमा शुक्रबार बजार बन्द रहने सन्देश व्यापक रूपमा फैलिएको थियो। त्यसपछि शुक्रबार बिहान केही युवाले केही स्थानमा टायर बालेर प्रदर्शन गर्ने प्रयास गरेका थिए। प्रहरीले तत्काल हस्तक्षेप गर्दै स्थिति नियन्त्रणमा लिएपछि अवस्था सामान्य बनेको थियो।

बिज्ञापन

त्यसपछि न त बजार बन्द गराउन थप प्रदर्शन भयो, न कुनै ठूलो विरोध कार्यक्रम नै देखियो। तर बिहानको घटनापछि र सामाजिक सञ्जालमा फैलिएको सूचनाका कारण सर्वसाधारण बजार आउन हिच्किचाएको व्यापारीहरू बताउँछन्।
व्यापारीहरूले भविष्यमा आधिकारिक सूचनामात्र विश्वास गर्न र कुनै पनि कार्यक्रमबारे स्पष्ट जानकारी समयमै सार्वजनिक गर्न सम्बन्धित पक्षसँग आग्रह गरेका छन्।
उनीहरूका अनुसार, अनिश्चितता र अफवाहको असर अन्ततः दैनिक व्यापार र सर्वसाधारण दुवैमा पर्ने गरेको छ।

×

❮

❯