सिरहा ।  सुनसरीमा भएको दुई समुदायबीचको झडपको असर सिरहामा पनि देखिएको छ। बिहीबार  दुई पक्षबीच भएको झडपपछि सिरहाको अवस्था तनावपूर्ण बनेसँगै स्थानीय प्रशासनले कर्फ्यु आदेश जारी गरेको छ।

कर्फ्यु आदेश जारी भए पनि प्रदर्शन रोकिएको छैन। प्रदर्शनकारीले आगजनी र तोडफोड गर्न थालेपछि प्रहरीले स्थिति नियन्त्रणमा लिन गोली चलाएको छ। घटनामा दुई जना घाइते भएका छन्। घाइते दुवै जनालाई उपचारका लागि स्थानीय अस्पताल लगिएको छ।

बिज्ञापन

प्रदर्शनका क्रममा केहीबेरअघि प्रदर्शनकारीले एक मोटरसाइकल ग्यारेजबाट मोटरसाइकल निकालेर आगजनी गरेका थिए। आगलागीबाट ११ वटा मोटरसाइकल जलेर नष्ट भएको प्रहरीले जनाएको छ।

स्थिति नियन्त्रणमा लिन सुरक्षाकर्मी परिचालन गरिएको छ भने प्रशासनले सर्वसाधारणलाई कर्फ्युको पालना गर्न आग्रह गरेको छ।

×

❮

❯