विराटनगर । नेपाली कांग्रेस कोशी प्रदेश संसदीय दलको बैठक आज बस्दैछ। बैठक बिहान ११ बजेका लागि बोलाइएको कोशी प्रदेशका प्रमुख सचेतक गोपाल तामाङ ले जानकारी दिएका छन्।

लामो समयदेखि संसदीय दलको बैठक नियमित रूपमा बस्न नसकेको भन्दै दलभित्र असन्तुष्टि बढेपछि बैठक आह्वान गरिएको हो।

विज्ञापन

यसअघि जेठ ६ गते संसदीय दलको बैठक बसेको थियो। आजको बैठकलाई सोही बैठकको निरन्तरताका रूपमा लिइएको प्रमुख सचेतक तामाङले बताएका छन्।

बैठकमा प्रदेशको समसामयिक राजनीतिक अवस्था, सरकारको कार्यसम्पादन, दलभित्रको आन्तरिक व्यवस्थापन तथा समन्वयका विषयमा छलफल हुने जनाइएको छ। पछिल्लो समय सरकारको कार्यशैली र पार्टीभित्रको समन्वयलाई लिएर केही सांसदहरूले असन्तुष्टि व्यक्त गर्दै आएका छन्।

×

❮

❯