काठमाडौं । समस्याग्रस्त सहकारी व्यवस्थापन समितिले समस्याग्रस्त सहकारी संस्थाका ठूला ऋणीहरूको नाम सार्वजनिक गर्न थालेको छ ।

समितिले बुधबार समस्याग्रस्त घोषणा गरिएका १० वटा सहकारीका ठूला ऋणीहरूको विवरण सार्वजनिक गरेको हो । अन्य समस्याग्रस्त सहकारीका ठूला ऋणीहरूको नाम पनि क्रमशः सार्वजनिक गरिने समितिले जनाएको छ ।

बिज्ञापन

समितिले सूचना जारी गर्दै सम्बन्धित ऋणीहरूलाई यथाशीघ्र समितिको कार्यालयमा सम्पर्क गरी बक्यौता ऋण चुक्ता गर्न आग्रह गरेको छ । तोकिएको समयभित्र ऋण नतिरे कानुनअनुसार असुलउपर प्रक्रिया अघि बढाइने चेतावनी समेत दिइएको छ ।

त्यस्तै, अन्य ऋणीहरूको नामावली पनि क्रमिक रूपमा सार्वजनिक गरिने भएकाले सम्बन्धित सबैलाई कार्यालयमा सम्पर्क गरी ऋण तिर्न समितिले आग्रह गरेको छ ।

आज सार्वजनिक गरिएका सहकारीहरूमा घेदुङ बहुउद्देश्यीय सहकारी, हाम्रो सगरमाथा बहुउद्देश्यीय सहकारी, तपाई हाम्रो बहुउद्देश्यीय सहकारी, नागरिक कल्याण बहुउद्देश्यीय सहकारी, आइडियल यमुना बहुउद्देश्यीय सहकारी, तुलसी बहुउद्देश्यीय सहकारी, नेपाल वित्तीय सहकारी, ओरियन्टल कोअपरेटिभ सहकारी, गौतम श्री सहकारी तथा नेपाल सहकारी वित्तीय संस्था रहेका छन् ।

×

❮

❯