काठमाडौं । अमेरिकाकी बिहीबार महान्यायाधिवक्ता पाम बोन्डीले पद त्याग्ने घोषणा गरेका छन् ।

ट्रम्पले आफ्नो सामाजिक सञ्जाल ‘ट्रुथ सोसल’मार्फत बोन्डीलाई महान अमेरिकी देशभक्त र आफ्नो विश्वासिलो सहयोगी भएको उल्लेख गर्दै उनले गत वर्ष महान्यायाधिवक्ताको रूपमा निष्ठापूर्वक सेवा गरेको बताएका छन् । साथै, उनले बोन्डीले देशमा अपराधविरुद्धको अभियानलाई प्रभावकारी रूपमा अघि बढाउँदै उल्लेखनीय काम गरेको प्रशंसा गरेका छन् ।

विज्ञापन

ट्रम्पका अनुसार, बोन्डी अब निजी क्षेत्रमा नयाँ र महत्त्वपूर्ण जिम्मेवारी सम्हाल्ने तयारीमा छन्, जसको औपचारिक घोषणा छिट्टै गरिनेछ ।

उनको स्थानमा डेपुटी एटर्नी जनरल टोड ब्लान्चले अन्तरिम महान्यायाधिवक्ताको जिम्मेवारी सम्हाल्ने ट्रम्पले बताएका छन् ।

ब्लान्च ट्रम्पका नजिकका कानुनी सल्लाहकारमध्ये एक हुन्, जसले उनले दोस्रो कार्यकालका लागि निर्वाचनअघि सामना गरेका विभिन्न आपराधिक मुद्दाहरूमा प्रतिरक्षा गरेका थिए ।

×

❮

❯