काठमाडौं । निर्वाचन आयोगले प्रतिनिधि सभाको निर्वाचनमा करिब ६० प्रतिशत मत खसेको प्रारम्भिक जानकारी दिएको छ।

आयोगका कार्यवाहक प्रमुख आयुक्त रामप्रसाद भण्डारीका अनुसार, अहिलेसम्मको प्रारम्भिक अनुमानअनुसार करिब ६० प्रतिशत मत खसेको देखिएको छ। उनले पूर्ण विवरण अझै संकलन भइरहेको समेत जानकारी दिएका छन्।

निर्वाचनमा कुल एक करोड ८९ लाख ३ हजार ६८९ मतदाता रहेका थिए। यसमा ९६ लाख ६३ हजार ३५८ पुरुष, ९२ लाख ४० हजार १३१ महिला, र २०० अन्य मतदाता रहेका छन्।

×

❮

❯