विराटनगर । कोसी प्रदेशको भौतिक पूर्वाधार तथा विकास मन्त्रालयले १० अर्ब रुपैयाँबराबरका दुई हजार आयोजना ठेक्का प्रक्रियामा लगेको छ ।
मन्त्रालयलले जनाएअनुसार स्रोत सुनिश्चित भइसकेका वहुवर्षीय योजनाबाहेक कुल १९४८ वटा योजना ठेक्का प्रक्रियामा गएका छन् ।
विज्ञापन
मन्त्रालयका अनुसार मंसिर २० भित्र सबै योजना ठेक्का प्रक्रियामा लैजान निर्देशन दिइएको थियो । भौतिक पूर्वाधार तथा विकासमन्त्री भूपेन्द्र राईले भने, “यसबाट सकारात्मक परिणाम देखिएको छ । कतिपय जिल्लाको प्रगति ९७ प्रतिशतसम्म छ ।”
धनकुटामा ७५.५४, सुनसरीमा ७३.४४, तेह्रथुममा ७०.७६, संखुवासभामा ६६.२१, झापामा ६६, ओखलढुंगामा ६४.२१ र इलाममा ५३.१६ प्रतिशत योजना ठेक्का प्रक्रियामा गएका छन् ।
यसैगरी, योजना संख्याका अधारमा इलाममा सबैभन्दा कम १५.७०, संखुवासभामा ४६.३०, झापामा ५१, धनकुटामा ५९, सुनसरीमा ६१.४८, मोरङ ६२.४८ र पाँचथरमा ६३.६१ प्रगति देखिएको मन्त्रालयले जनाएको छ ।
खोटाङमा ७२, तेह्रथुम ७४.२९, ओखलढुंगा ७८.३३, भोजपुरमा ८२.२८, उदयपुर ८२.२८, सोलुखुम्बु ८७ र ताप्लेजुङमा ९४.२३ प्रतिशत प्रगति देखिएको बताइएको छ ।
आइतबार, असोज ०४, २०८३
शनिबार, असोज ०३, २०८३
