काठमाडौं । नेपाल प्रिमियर लिग (एनपीएल) अन्तर्गत दोस्रो क्वालिफायरमा आज विराटनगर किंग्स र लुम्बिनी लायन्स आमनेसामने हुँदैछन्।

पहिलो क्वालिफायरमा विराटनगर सुदूरपश्चिम रोयल्ससँग ७७ रनले पराजित भएको थियो। त्यस्तै, लुम्बिनी लायन्सले इलिमिनेटरमा काठमाडौं गोर्खाजलाई चार विकेटले हराउँदै दोस्रो क्वालिफायरमा स्थान बनाएको हो।

विज्ञापन

कीर्तिपुरस्थित त्रिवि क्रिकेट मैदानमा हुने खेल आज अपराह्न ४ बजेबाट सुरु हुनेछ। यस सामना जित्ने टोलीले उपाधि भिडन्तमा गत संस्करणका उपविजेता सुदूरपश्चिम रोयल्ससँग प्रतिस्पर्धा गर्नेछ।

लिग चरणमा विराटनगर दोस्रो स्थानमा रहँदै प्लेअफमा पुगेको थियो भने लुम्बिनीले चौथो स्थानमा बसेर प्लेअफ यात्रा तय गरेको हो।

प्रतियोगिताको फाइनल खेल मंसिर २७ गते निर्धारित गरिएको छ।

×

❮

❯