विराटनगर। अविरल वर्षाले प्रभावित इलाका मोरङ, इलाम र झापामा कोशी प्रदेश सरकारले स्थलमार्गमार्फत राहत सामग्री पठाउन थालेको छ। ट्रक तथा सवारीसाधन पुग्न सक्ने क्षेत्रमा आवश्यक सामग्री ढुवानी गरी वितरण सुरु गरिएको हो।

आन्तरिक मामला तथा कानुन मन्त्रालयका अनुसार विपद् प्रभावित क्षेत्रहरूमा राहत निरन्तर पठाइँदैछ। यसअघि पहिलो चरणमा हेलिकप्टरमार्फत तत्कालीन आवश्यकता अनुरूप खाद्यान्न र स्वास्थ्य सामग्री ढुवानी गरिएको थियो।

बिज्ञापन

मुख्यमन्त्री हिक्मत कुमार कार्की सोमबार बिहान इलाम पुगेका थिए। उनले स्थलगत निरीक्षण गर्दै त्यहाँ सुरक्षा निकायसँग समन्वय बैठक पनि गरेका थिए। निरीक्षणपछि पत्रकारसँग कुरा गर्दै मुख्यमन्त्री कार्कीले भने, “प्रदेश सरकारको पहुँच र क्षमता भित्र रहेसम्म सबै प्रभावित क्षेत्रसम्म राहत पुर्‍याउने प्रयास जारी रहनेछ।”

प्रदेश सरकारले राहत सामग्रीमा खाद्यान्न, लत्ताकपडा, टेन्ट, पिउने पानी लगायत आवश्यक सामग्री समावेश गरेको जनाएको छ।

×

❮

❯