बिर्तामोड। झापाको इलाका प्रहरी कार्यालय नकलबन्दाले टेलिफोनको तार चोरी गर्ने एक पाँच सदस्यीय समूहलाई पक्राउ गरेको छ।

असोज १ गते गस्तीमा खटिएको प्रहरी टोलीले अप्टिकल फाइबर टेलिफोनको तार पाँचवटा बोरामा प्याक गरी भारततर्फ लैजाँदै गरेको अवस्थामा उनीहरूलाई नियन्त्रणमा लिएको हो। पक्राउ परेकामध्ये दुई जना भारत दार्जिलिङका कातिक अधिकारी (२४) र राहुल अधिकारी (३४) रहेका छन्।

बिज्ञापन

त्यस्तै, बाँकी तीन जना नेपाली नागरिक हुन् — बुद्धशान्ति गाउँपालिका झापा निवासी विजय राजवंशी (२५), कचनकवल गाउँपालिका–३ का संजय माझी (४२) र इलाम माई नगरपालिका–३ का दिनेश परियार (२७)।

हाल उनीहरूविरुद्ध इलाका प्रहरी कार्यालय काँकडभिट्टाबाट आवश्यक अनुसन्धान भइरहेको प्रहरीले जनाएको छ।

×

❮

❯