काठमाडौं । ओमानले एसियन गेम्स पुरुष क्रिकेट छनोट प्रतियोगिताको सेमिफाइनलमा नेपालसामु ९५ रनको सामान्य लक्ष्य प्रस्तुत गरेको छ।

सिंगापुर नेशनल क्रिकेट ग्राउन्डमा टस जितेर पहिले ब्याटिङ रोजेको ओमान नेपाली बलरहरूको कसिलो प्रदर्शनसामु टिक्न सकेन। ओमानको टोली १९.४ ओभरमा सबै विकेट गुमाउँदै ९४ रनमै समेटियो।

विज्ञापन

ओमानका कप्तान सफ्यान मेहमुदले सर्वाधिक ३८ रन बनाए भने जुबैर अल बलुशीले २२ र अब्दुल जाइलले १६ रनको योगदान दिए। अन्य ब्याट्सम्यानले दोहोरो अंकमा रन बनाउन सकेनन्।

नेपालका लागि करण केसी सर्वाधिक सफल बलर बने। उनले तीन विकेट हात पारे। सोमपाल कामी र सन्दीप लामिछानेले समान दुई–दुई विकेट लिए भने शाहब आलम, कुशल मल्ल र दीपेन्द्रसिंह ऐरीले एक–एक विकेट लिए।

कसिलो बलिङ प्रदर्शनका कारण नेपालले ओमानलाई कम स्कोरमा रोक्दै फाइनल यात्रा सुनिश्चित गर्ने अवसर सिर्जना गरेको छ।

×

❮

❯