काठमाडौं । सञ्चार, सूचना तथा प्रविधिमन्त्री जगदीश खरेलले पदबाट राजीनामा दिएका छन्। राष्ट्रिय स्वतन्त्र पार्टी (रास्वपा) बाट उम्मेदवार बन्ने निश्चित भएसँगै उनले मन्त्री पद त्यागेका हुन्।

खरेलले प्रधानमन्त्री सुशीला कार्कीलाई भेटेर औपचारिक रूपमा राजीनामा बुझाएका छन्। रास्वपाले उनलाई ललितपुर–२ बाट प्रतिनिधिसभा सदस्यका लागि उम्मेदवार बनाउने तयारी गरेको छ।

यसअघि प्रधानमन्त्री कार्की नेतृत्वको मन्त्रिपरिषद्बाट ऊर्जामन्त्री कुलमान घिसिङ र खेलकुदमन्त्री बब्लु गुप्ताले पनि राजीनामा दिइसकेका छन्।

घिसिङ आफ्नै नेतृत्वमा ‘उज्यालो नेपाल पार्टी’ गठन गरी चुनावी तयारीमा जुटेका छन् भने गुप्ता रास्वपाकै तर्फबाट चुनाव लड्ने तयारीमा छन्।

×

❮

❯