विराटनगर । कप्तान करण केसीको आक्रामक ब्याटिङमा काठमाण्डू गोर्खाजले नेपाल प्रिमियर लिग (एनपीएल) मा लुम्बिनी लायन्ससामु १ सय ५८ रनको लक्ष्य प्रस्तुत गरेका छ ।

त्रिवि क्रिकेट मैदानमा टस हारेर ब्याटिङको निम्तो पाएको काठमाण्डूले निर्धारित २० ओभरमा आठ विकेट गुमाउँदै १ सय ५७ रनको योगफल तयार पारेको हो ।

बिज्ञापन

काठमाण्डूका लागि करणले ११ बलमा चार छक्का र एक चौकाको मद्दतले अविजित ३४ रनको योगदान गरे । यसैगरी आकाश त्रिपाठीले ३२, सन्तोष यादवले २६, मिलिन्द कुमार र जेरहार्ड इरस्मसलले १७(१७ र रशिद खानले १४ रन बनाए ।

लुम्बिनीका लागि गल्बदीन नइम, शेर मल्ल, रुबेन ट्रम्पलम्यान र कप्तान रोहितकुमार पौडेलले दुई–दुई विकेट लिए ।

×

❮

❯