काठमाडौं । गत सिजन पुछारमा रहँदै नेपाल प्रिमियर लिग (एनपीएल) को अन्त्य गर्ने लुम्बिनी लायन्सले दोस्रो संस्करणको पहिलो खेलमा आज चितवन राइनोजविरुद्ध चुनौती प्रस्तुत गर्दैछ।

कीर्तिपुरस्थित त्रिवि क्रिकेट मैदानमा आज अपराह्न ४ बजेदेखि यो खेल सुरु हुनेछ। लुम्बिनीका लागि यो दोस्रो संस्करणको पहिलो खेल हो, जुन सोमबारदेखि सुरु भएको प्रतियोगितामा भाग लिइरहेको छ।

चितवन भने लुम्बिनीविरुद्ध दोस्रो लगातार जितको लक्ष्यमा हुनेछ। यसअघि, चितवनले पहिलो खेलमा कर्णाली याक्सविरुद्ध पाँच विकेटको जित निकालेको थियो।

एनपीएलको इतिहासमा यी दुई टोली पहिलो संस्करणमा एकपटक भिडेका थिए। पहिलो संस्करणको लिग चरणमा लुम्बिनीले ३३ रनको जित निकालेको थियो, र यो एनपीएलमा लुम्बिनीको एकमात्र जित हो।

दोस्रो संस्करणमा पनि पहिलो संस्करणकै आठ टिमहरू प्रतिस्पर्धा गरिरहेका छन्। मंसिर १ गतेदेखि सुरु भएको प्रतियोगिता २७ गतेको फाइनलसँगै समापन हुनेछ।

×

❮

❯