विराटनगर । कोशी प्रदेश सभामा नयाँ सचिवको रूपमा सुदर्शन खड्का नियुक्त भएका छन्। सभामुख अम्बर बहादुर विष्टले उनलाई पद तथा गोपनीयताको शपथ ग्रहण गराएका हुन्।

प्रदेश प्रमुखले आजै खड्कालाई प्रदेश सभा सचिवमा नियुक्त गरेका थिए। सभामुख विष्टले उनको नाम सिफारिस गरेका थिए। प्रदेश सभा सचिवालयका अनुसार खड्काले आज अपराह्न ३ बजे औपचारिक रूपमा शपथग्रहण गर्ने कार्यक्रम तय गरिएको छ।

५६ वर्षीय खड्का भक्तपुर नगरपालिका–४, चाँगुनारायणका स्थायी बासिन्दा हुन्। उनी यसअघि संघीय संसद सचिवालयमा कार्यरत थिए। उनले अर्थशास्त्र र जनप्रशासनमा स्नातकोत्तर तथा शिक्षा शास्त्रमा एक वर्षे बीएड अध्ययन पूरा गरेका छन्।

यसैबीच, कोशी प्रदेश सभा आजदेखि मोरङको कटहरीमा स्थानान्तरण गरिएको छ।

×

❮

❯