काठमाडौं । सेयर बजारको वृद्धि यात्रा बुधबार पनि जारी रहेको छ ।

नेप्से सूचक बुधबार ३४.६० विन्दुले बढेको छ । लगातार ४ दिनको वृद्धिसँगै सूचक २६९५ विन्दुमा बन्द भएको छ । सेयर खरिदबिक्री रकममा पनि वृद्धि देखिएको छ । यस दिन ९ अर्ब ७४ करोड रुपैयाँ भन्दा बढीको सेयर कारोबार भएको छ ।

बिज्ञापन

विगत केही साताको करेक्सनपछि सेयर बजार आइतबारदेखि पुनः उकालो लाग्न थालेको हो ।सूचकसँगै सेयर खरिदबिक्रीमा पनि क्रमशः वृद्धि हुन थाल्नु सेयर बजारका लागि सकारात्मक संकेत हो । यसअघि असार लागेदेखि नै बजार सुस्त देखिएको थियो । यद्दपि, करेक्सनले भाउ सस्तो भएपछि लगानीकर्ता तथा कारोबारीहरु पुनः आकर्षित भएका हुन् ।

यता, बैंकहरुमा अधिक तरलताको स्थिति रहेको छ भने ब्याजदर निकै सस्तो विन्दुमा छ । सस्तो ब्याजदरमा ऋण लिएर लगानी गर्नेहरुका लागि पनि सहज हुन जान्छ । अकोतर्फ, सेयर बजारको सिजन पनि सुरु हुँदैछ ।

असार मसान्त सकिएसँगै सूचीकृत कम्पनीहरुले वित्तीय विवरण सार्वजनिक गर्न थाल्ने र त्यसको केही समयमै लाभांश घोषणा गर्ने क्रम पनि सुरु हुन्छ । तसर्थ, अहिले सेयर खरिद गर्नेले छोटो समयमै लाभांश हात पार्नसक्ने सम्भावना भएका कारण पनि आगामी दिनमा सेयर बजारको गति थप सकारात्मक हुने अनुमान गरिएको छ ।

×

❮

❯