काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्र काठमाडौं जिल्ला अदालतमा उपस्थित भएका छन्।

तीनकुनेमा भएको राजावादी प्रदर्शनसँग सम्बन्धित घटनामा संलग्न रहेको आरोप लागेका मिश्रमाथि आज जिल्ला अदालत काठमाडौंकी न्यायाधीश तारादेवी महर्जनको इजलासमा थुनछेक बहस हुँदैछ। आजै उनको पूर्वपक्ष थुनामा पठाउने वा नपठाउने निर्णय गरिनेछ।

बिज्ञापन

मिश्रमाथि राज्यविरुद्धको कसुर, आपराधिक उपद्रव, संगठित अपराध र एकीकृत कसुर अन्तर्गत मुद्दा दर्ता गरिएको छ। उक्त घटनासँगै पक्राउ परेका राप्रपा महामन्त्री शवलशमशेर राणा भने सोमबार साँझ तीन लाख रुपैयाँ धरौटीमा रिहा भइसकेका छन्।

तीनकुनेमा गत चैत १५ गते भएको राजसंस्था समर्थकको हिंसात्मक प्रदर्शनको योजनाकारको रूपमा चिनिएका दुर्गा प्रसाईं भने पहिले नै कारागार चलान भइसकेका छन्।

×

❮

❯