विराटनगर । मोरङको जहदा गाउँपालिका १ स्थित मधुमल्लामा दाउरा बोकेर हिँडेको सिटी सफारीबाट ठूलो परिमाणमा प्रतिबन्धित लागुऔषध गाँजा बरामद भएको छ।

सशस्त्र प्रहरी बल, नेपाल बीओपी मधुमल्लाबाट खटिएको टोलीले प्र.१–०२–००४ ह ४१३४ नम्बरको सिटी सफारी चेकजाँच गर्ने क्रममा सिट र डिकीमुनि लुकाएर राखिएको करिब २६ किलो गाँजा फेला पारेको हो।

बिज्ञापन

गाँजा बरामद भएपछि प्रहरीले सिटी सफारीसहित चालकलाई नियन्त्रणमा लिएको छ। पक्राउ पर्नेमा मोरङको जहदा गाउँपालिका १ बिरपुरका १९ वर्षीय विजयकुमार सरबरिया रहेको प्रहरीले जनाएको छ ।

सशस्त्र प्रहरीले बरामद गाँजा, सिटी सफारी र चालक सरबरियालाई आवश्यक कानुनी कारबाहीका लागि नेपाल प्रहरीलाई बुझाएको जनाएको छ ।

दाउराको नाममा सिटी सफारीमा लुकाएर गाँजा ओसारपसार गरिएको खुलेपछि प्रहरीले घटनाबारे थप अनुसन्धान अघि बढाएको छ।

×

❮

❯